此石磨為百年老號「麥榮記」麥師傅十三歲時初學師的作品，已有六十年歷史，刻有「麥榮記九龍城南角道」字。
記者：封愷瑜
攝影：許先煜
在速食年代，還有什麼可以用一世，甚至用上幾代人？有人告訴我，是石磨，「當時復修石磨嘅師傅同我講，十三年內只賣出三個石磨，所以佢話石磨搵唔到食架！一部攪拌機可唔可以用一世？佢總有壞嘅一日。但呢個石磨足夠你磨一世、磨幾代人。」已在薄扶林村駐守九年的社工黃柑瑤（Kim）說。
兩年前，一個黑色暴雨的日子，Kim在位處村內低窪地方的袁家旁，發現了一個古老石磨。經歲月磨損的石磨毫不起眼，卻引起了Kim的注意。細問下，方知石磨已有六十年歷史，是薄扶林村袁家的家傳之寶，「細個阿嫲磨粉嘅事我知道，細個見過佢磨(豆漿)，有時見佢停咗手，走過去玩，去轉都轉唔郁。由細到大都係阿嫲湊大我嘅。」石磨傳人袁劍順說起童年，眉飛色舞。即使已搬出市區多年，袁先生亦經常回薄扶林村，探望母親和侄子，重溫舊時，「宜家好多豆漿都用機磨，係差少少，唔同人手，人手整嘅會用心機磨。」阿嫲過世後，石磨荒廢了廿多年，直到社工Kim在機緣巧合下發現石磨，決定尋找當初製造石磨的師傅將它復修，才讓它得以重見天日。Kim說做這麼多，只因村民的一個信念——希望在村裏住下去，「因為我地發覺佢地講起以前嘅生活、以前嘅事就好喜悅，嗰種開心嚟得好自然、好有力量，所以我地開始發掘佢地以前嘅生活內容，幫佢地重整。」除了石磨外，村內的土窯和柴灶都在明愛社工、樂根源及創不同學院的幫助下，在村內公共空間「菜園地」經過復修。村民可以用大灶煮傳統食物如豆漿、芝麻糊、「攋鑊邊」、蘿蔔糕，透過重建傳統廚具，重拾傳統味道。
今次由「創不同學院」主辦的活動「山海食堂」，就讓參加者到訪薄扶林村，與村民一同製作豆漿、攋鑊邊和豆渣餅，傾聽食的故事。除薄扶林村外，參加者還會去元朗、長州、西貢、粉嶺，上山下海，透過「食」去認識另一面香港。身為活動導師的鄉土學社朱耀光認為，食物價值不只在飽腹，還在呈現人與環境的關係，「我覺得食譜已經有好多人做，記錄唔同食物嘅製造方法。但我關心嘅係做法背後，係咩人用咩方法，諗到(用)呢種食材，其實所有野同土地、環境有聯繫。」參加者在品嚐食物、聽完故事後，還會將故事整理成篇，作口述歷史記錄，甚至可能會進入學校做教材，「如果學生食完之後，用味道開始，去認識原來香港的族群，因為不同的山海、不同的環境條件，而有不同食物，我們會否更能透過歷史，連繫生活的這個地方。」
不如食一啖這地方的味道，由味蕾開始，重新認識我們生活的香港。
在地研習室：山海食堂